| Gaur egun eremu guztietan hartzen ari dira berdintasunaren aldeko neurriak, lan eremuan batez ere. Kiroljokoak ere esfortzu berezia egiten dihardu emakume eta gizonen arteko berdintasuna errespetatzeko bere egitura eta funtzionamenduan. Horregatik, kudeaketarako oinarrizko irizpideak planteatu ditugu, beharren arabera hobetzen joango direnak, eta modu horretan denboran iraun dezatela ere lortuko dugu.
Berdintasunarekiko dugun konpromisoa honako eremuetan eratzen dugu:
Pertsonen kudeaketa:
Berdintasunaren printzipioa giza baliabideen kudeaketaren oinarria izango da eta prozesu guztietan aplikatuko dugu.
Komunikazioa eta marketina:
Komunikazio integrala egingo dugu gizon zein emakumeak ikusgai izan daitezen, batak zein besteak betetzen dituen funtzioen inguruan dauden estereotipoak aldatzeko. |
